Ljósvellingasaga

Nú flytjum við...

2007-01-24T23:42:00.001Z

Eins og fram hefur komið þá erum við rett í þann mund að flytjast búferlum. Af því tilefni finnst mér við hæfi að flytjast líka bloggferlum vegna stöðugra vandræða með bloggerin (stjórnkerfi síðunnar)

Nýtt blogg er hér

Vinsamlegst breytið skráningu á ykkar síðu eða í favorites flipa vafrarans.

Lifið heil!

myndir

2007-01-24T22:21:00.000Z

2007-01-24T22:14:00.001Z

Ég var um daginn búinn að skrifa langa og reiða grein um perraskap og óhugnað hverskonar sem er að leita upp á yfirborðið um þessar mundir. Blogger kaus að ritskoða hana og hún hvarf út í óravíddir alnetsins. Þá skrifaði ég langa og reiða grein um hvað blogger væri ósvífinn en eyddi henni. Nú er mómentið búið og reiða greinin týnd og ég nenni ekki að skrifa hana aftur. Óravegur er þó frá því að mér sé runnin reiðin. Mér finnst hreinasta hneyksli að ekki sé haft meira eftirlit með barnaníðingum sem eru ennþá í afplánun. Ég hef það fyrir satt að öllum sem dvelji á Vin sé gert að sækja AA fundi og gangast undir fíkniefnapróf til að ganga úr skugga um að menn séu ekki að falla aftur í sama farið. Af hverju er ekki tékkað á mönnum sem eru dæmdir fyrir að misnota börn?

-----

Á svipuðm nótum, þá held ég að ef Guðmundur í byrginu hefði haft trúða fetis hefði hann komið mun betur út ur því máli öllu. Hver getur verið reiður við trúð?

2007-01-24T22:12:00.000Z

Núna er Kolbeinn í svakalegu þroskakasti. Hann er alltíeinu farinn að setja hluti í samhengi. Það er að segja hann er farinn að þekkja hluti eins og snuðið sitt, grautarskálina og skeiðina. Ein af hanns helstu skemmtunum í dag er að rífa sig úr sokkunum og borða á sér tærnar. Hann er líka farinn að sitja aleinn, allavega í smástund. Það er þó eitt sem honum finnst ekki vera neitt atriði, það er að velta sér. Hann hvorki veltir sér af bakinu á magann né af maganum á bakið. finnst miklu meira spennandi að sitja og leika sér við dótið sitt. Hann er líka farinn að fá allskonar mismunandi mat. Kannski ekki Tai mat eða stórsteikur, en a.m.k. nokkrar mismunandi tegundir af grænmetismauki og grautum.

-----

Það er nánast allt dótið okkar komið í kassa. Og þessvegna er frekar óvistlegt á heimili okkar. Við ætlum að flytja á mánudagseftirmiðdag og allir sem vetlingum geta valdið eru velkomir á Ljósvallagötuna að valda vetlingum með okkur. Ókeypis líkamsrækt, ekki ósvipað boot camp nema það er ískaldur bjór (eða annarskonar svaladrykkur fyrir þá sem ekki geta fengið bjór, einhverjar óskir pabbi?) að launum.

Rittregða

2007-01-18T21:41:00.000Z

Mig langar að blogga, en það er ekkert sem mér dettur í hug. Ætli ég sé ekki með ritstíflu, eða rittregðu, mig langar samt ekkert til þess að verða eins og svo mörg blog sem maður rekst á þar sem í annarri hverri færslu folk talar um að það sé svo latt að blogga. "Mikið er ég búinn að vara latur/löt að blgga upp á síðkastið,,," síðan fylgir yfirleitt röðaf fúlum brosköllum og síðan loforð um að nú skuli nú aldeilis snúið við blaðinu og "taka sig á og vera duglegur" með röð af venjulegum brosköllum.

Gott að ég er ekki svona...

:)

Diskógaur

2007-01-15T13:06:00.000Z

Hér eru tvær myndir af Kolbeini að gera það sem honum finnst allra skemmtilegast af öllu um þessar mundir. Þ.e.a.s. að dansa í hoppirólunni.

Annars höldum við að það séu að koma hjá honum tennur. Hann er allavega frekar tæpur og það er stutt í væl, þó það sé nú reyndar allataf stutt í brosið líka, en eitthvað er a.m.k. að gerast.

Við erum byrjuð að pakka saman dótinu okkar, enda ekki nema hálfur mánuður þangað til við þurfum að skila af okkur. Það eru nú meiri ósköpin sem hægt er að safna sér af dóti! Við erum rétt að byrja en það eru strax farnir að myndast konfliktar með hverju má henda og hverju ekki. Mömmunni finnst að alger óþarfi að halda upp á eitthvað se mér finnst griðarlega nauðsynlegt að eiga og ég skil ekki hvers vegna þarf áð eiga allskonar dót sem henni finnst lífsnauðsynlegt. Samt erum vi ðbæði búin að samþykkja að nú verði öllu sem ekki er nauðsynlegt að flytja með sér miskunnarlaust hent.

Skrítið hvað maður er skrítinn...

2007-01-12T15:48:00.001Z

Mér finnst gaman að keyra í snjó, meiri snjór, meira gaman!

2007-01-11T17:17:00.000Z

Óheppinn

2007-01-10T17:15:00.000Z

Þetta hefði getað verið ég í morgun

Tvær myndir

2007-01-09T09:50:00.000Z

Nokkrar myndir

2007-01-08T12:55:00.000Z

Á kommentakerfi mínu hefur verið óskað eftir fleiri myndum og verð ég við því hér með. Reyndar skilst mér líka að allstaðar þar sem Selfossættin komi saman sé kvartað yfir myndaleysi. Ég geri það hér með að áramótaheiti mínu að bæta úr því og upphafið á þeim úrbótum kemur hér.

Áramótabarn

Áramótaunglingur

Að éta gamla geit

Annáll 2006

2007-01-04T19:05:00.000Z

jæja þá er komið að því að efna loforð sem gefið var hér að neðan. Árið 2006 var mjög viðburðaríkt hjá Ljósvellingum, eins og frægt er orðið. Eitthvað er ég þó andlaus og á erftt með að útbúa best of lista. Ég ætla að reyna að fara í gegnum árið mánuð fyrir mánuuð og athuga hvort ég man eitthvað markvert. Hér er það!

Janúar:
Man ekki eftir neinu merkilegu sem gerðist þá minnir þó að við höfum farið til Kaupmannahafnar í janúar og haft það afar gott. Borðað á The paul og slæpst um miðbæinn. Gæti þó hafa verið í öðrum mánuði.

Febrúar:
Vafalaust gerðist eitthvað markvert í Febrúar. Mér finnst til dæmis líklegt að við höfum farið í sónar þá og orðið voða væmin og farið um bæinn að sýna öllum útprentun úr tölvu sem átti að vera mynd af nýju barni. Ef mig misminnir ekki lét fólk að því fyndist þetta jafnmerkilegt og okkur, takk fyrir það.

Mars
Vá hvað maður er skrítinn það er ekki eins og það séu mörg ár sem maður er að reyna að muna aftur í tímann. Ég get ómögulega munað neitt merkilegt sem gerðist í mars. Voru ekki Páskar í mars? Jú ætli það ekki. Ef það voru páskar þá fórum við í heimsókn í Skorradal á Páskum, ef mig misminnir ekki. Það var notalegt að vanda.

Apríl:
Ef páskar voru í apríl þá skuluð þið nýta setninguna um páska hér. annars var apríl frekar rólegur mánuður hjá okkur, nema ég sé að gleyma einhverju merkilegu. Kom Heiðrún systir í apríl?

Mai:
Þegar hér ver komið við sögu var farið að sjá dáldið á minni konu. Kolbeinn farinn að hreyfa sig (var reyndar eki byrjaður að heita Kolbeinn)

Júní:
Ég átti afmæli, ég man það. Það var þjóðhátíð, ég man það líka. Man ekkert meira...

Júlí:
Já nú fer loksins að draga til tíðinda. Í júli fæddist Kolbeinn Skúli þann 24. nánar tiltekið. Hann var eldsnöggur á vetvang. Gerði fyrst vart við sig upp úr kl 3 um eftirmiðdag og leit dagsins ljós í fyrsta sinn kl 18:07. Síðan tóku við gengdarlausar hamingjustundir sem standa enn.

Ágúst:
Tvennt markverðast, Náunginn sem hét ekki neitt fór alltíeinu að heita Kolbeinn Skúli. Faðir drengsins fór í stutta veiðiferð og kom til baka með maríulax í farteskinu. Síðan leit þessi vefsíða dagsins ljós en það er nú svosem ekkert mjög merkilegt. Í þessum mánuði fórum við dáldið í göngutúra með barnavagn, í svokallaða monttúra til að sýna Kolbeininn þeim sem vildu sjá. Man líka að við fórum í skorradal með drenginn, það var notalegt að vanda.

September:
Ég þurfti að snúa aftur til vinnu með miklum semingi, Ég man að það var dáldið erfitt og mér fannst eins og ég hafi verið marga mánuði í burtu. Bíddu var það kannski í þessum mánuði sem maríulaxinn kom? Já það gæti verið, ef svo er þá var það markvert í þessum mánuði.

Október:
Af einhverjum ástæðum er október í einhverri móðu, dáldið eins og mars og apríl. Fór til Kaupmannahafnar með vinnunni og borðaði og drakk einhver ósköp á tveim dögum. Kolbeinn hélt sínu striki sem hann heldur enn svosem.

Nóvember:
Missti af afmæli Heiðrúnar systur. Kolbeinn byrjaði í á sundnámskeiði en þurfti síðan að hætta vegna þess að hann fékk fyrsta kvefið sitt. Við mamman fórum í fyrsta sinn út frá honum að borða og hann fékk pössun í fyrsta sinn. Man að við komum afar seint heim en vorum glöð í bragði, takk fyrir að passa Sunneva og afsakaðu hvað við vorum lengi...

Desember:
Kolbeinn fékk graut í fyrsta sinn og líkaði vel. Jólin komu með fullt af pökkum og mat. Ég vannn eins og skepna en þó gafst tími til að selja Ljósvallagötuna og kaupa í Mávahlíð. Nú er bara að fara að pakka öllu dótinu okkar í kassa því við þurfum að flytja út í febrúar. Flytjum fyrst um sinn í Krosshamra, það verður örugglega notalegt, að vanda.

Þetta er semsagt 2006 í hnotskurn. Við fyrstyu sýn einkennist árið af minnisleysi en ef lesið er milli línanna þá má finna margt markvert og skemmtilegt. Ég kvíði dáldið 2007 því það á eftir að vera erfittt að toppa 2006 með öllum þeim góðu hlutum sem gerðust þá. Það er semsagt með trega sem 2006 er kvatt og þrátt fyrir smá kvíðahnút þá er mjög bjart yfir 2007.

Gleðilegt ár öll og kærar þakkir fyrir það gamla!

Tilkynning

2007-01-02T13:35:00.000Z

Hér með tilkynnist það að í næstu færslu verður árið 2006 gert upp og farið yfir hvað mér þótti markverðast. Vafalaust verða einhverjir árslistar birtir eins og í öðrum fjölmiðlum, svona besta hitt og þetta listar og síðan virðast vera blikur á lofti með spádóma um hvað þetta ár kemur til með að bera í skauti sínu.

En núna ætla ég hins vegar ekki að segja neitt annað en að mér fannst áramótaskaupið framúrskarandi. Bæði hárbeitt og drepfyndið. Ef einhver segir mér að sér hafi ekki þótt skaupið neitt fyndið stend ég mig að því að horfa á viðkomandi með meðaumkun, því mér er það óskiljanlegt að einhverjum hafi ekki þótt þetta fyndið. Skil það ekki.
Nóg um það, farinn í vinnuna oig síðan í jólaboð hjá Ranna frænda í kvöld.

2007-01-02T00:59:00.000Z

2007, Vá hvað það er mikið..!

Keðjubref

2006-12-28T00:40:00.000Z

Ég hvet alla Hafnfirðinga sem lesa þetta að skila jólagjöfinnni sinni sem þeir fengu frá Alcan.

Alveg er það með hreinum ólíkindum hvernig þetta fyrirtæki og áróðursmaskína þess veður áfram og þyrlar ryki í augu fólks í formi kostunnar á íþrótta og listviðburðum, ókeypis tónleikum í fyrir Hafnfirðinga. Heilsíðuauglýsingar í blöðum. Auglýsinga sem segja að ef þú vinnur fyrir Alkan þá breytist líf þitt til hins betra. Mér finnst þetta minna dáldið á keðjubréfin sem voru send á milli fólks hér fyrir ekki svo mörgum árum. Þar sem fólki var lofað gulli og grænum skógum ef það sendi bréfið áfram á tíu manns. En ef þú sendir Það ekki þá kæmi einhvað hræðilegt fyrir.

Það versta við þetta er að vegna þess að Alcan er stórfyriræki sem þarf ekki að borga fyrir rafmagn eins og við hin þá er til nóg af peningum hjá þeim til þess að auglýsa og sponsera allskonar. Meðan andstæðingar stækkunnar álvers í Straumsvík hafa ekki yfir sömu sjóðum að ráða og tekst því ekki að vera eins áberandi. Annað sem þeir hjá Alkan eru að reyna er að láta sem stækkun álvers í straumsvík sé einkamál Hafnfirðinga. Það er hún ekki! Það kemur fleirum en Hafnfirðingum við hvað er gert í straumsvík.

Góðir hálsar, nú þurfa allir að ræskja sig og láta í sér heyra til þess að umræðan um þetta mál og önnur í sama dúr verði ekki kaffærð í auglýsingaskrumi.

Ekki síður áhugavert...

2006-12-26T15:50:00.000Z

http://www.myheritage.com

Mér líkar vel að vera líkur öllum þessum skeggjuðu köllum

Áhugavert

2006-12-26T11:32:00.000Z

http://www.myheritage.com

Ég er nú ánægðastur með Lisu "left eye" lopes heitna og svo að sjálfsögðu Iggi Pop

Nokkrar jólamyndir

2006-12-25T13:44:00.000Z

Kolbeinn Skúli með jólagjöfina frá afa sínum

Litla jólabarn

Litla jólafjölskylda

2006-12-23T10:18:00.000Z

Guðmundur Steingrímssonskrifar frábæran pistil um svipað efni og færslan mín hér fyrir neðan.

Annars er allt gott. Í gær skrifuðum við undir kaupsamning, þannig að nú erum við stoltir eigendur af efri hæðinni í Mávahlíð 44. Jólaundirbúningur er nú frekar rólegur hjá okkur. Við erum ekki að stressa okkur mikið að "ná að gera allt" fyrir jólin. Jú vissulega erum vi búin að baka 2 stampa fulla af smákökum, gera rauðkál, kaupa allar jólagjafir og skreyta jólatréð. Í gærkvöldi sauð ég meira að segja hangiket.Þannig að deginum verður mest eytt í rólegheit. Jú jú það þarf að skúra og taka til en þega rþað er búið getum við farið í bæinn og sötrað jólaglögg. Mér var meira að segja boðið í partí í fornbókabúðina hann Braga, kannski maður bara skelli sér þangað.

Annars óska ég landsmönnum nær og fjær gleðilegrar þorláksmessu og farsældar á komandi jólum

2006-12-21T21:29:00.000Z

Jólasveinar einn og átta
ofan koma af fjöllunum
í fyrrakvöld þeir fóru að hátta
fundu hann jón á völlunum
Andrés stóð þar utangátta
þeir ætluðu að færa hann tröllunum
en þá var hringt í hólakirkju
öllum jólabjöllunum

Ef maður les þetta kvæði þá áttar maður sig á því að það er ekki heil brú í því,. Ekki til samhengi í nokkrum hlut. Í fyrsta lagi eru jóilasveinarnir þrettán, en ef maður gefur sér að þeir séu bara níu virka svosem fyrstu tvær línurnar í sjálfu sér. Jafnvel næsta þar á eftir en þar líkur samhenginu, hvernig stendur á því að þegar þessir níu jólasveinar finna alltíeinu Jón á völlunum þegar þeir eru háttaðir? Og Andrés greyið, utangátta, maður hálfvorkennir honum. Eins og þetta sé svo ekki nógu óskiljanlegt þá á alltíeinu að fara að fæara tröllunum einhvern. Hvern? Er það Jón eða Andrés og hvers vegna? hvað gerðu þeir af sér til þess að færa þá tröllum. Það hljóta að vera skelfileg örlög. En þeim virðist hafa verið bjargað á síðustu stundu við það að klukkunum var hringt í Hólakirkju.

Það er líklega úr þarna sem hugtakið saved by the bell á uppruna sinn

2006-12-21T21:11:00.000Z

Einu sinni vann ég hjá manninum sem er í aðalhlutverki í eftirfarandi myndbandi

2006-12-21T16:53:00.001Z

Styggi

2006-12-20T17:14:00.000Z

Hvað nákvæmlega er styggi? Andstyggilegt, viðurstyggilegt eru orð sem maður notar ef manni mislíkar eitthvað en hvað þýðir það?

Ógnarlangur

2006-12-17T13:37:00.000Z

Mamma keypti fyrir okkur reyktan ál í Danmörku. Hún hringdi í mig í gær til að láta mig vita að hún væri komin heim, heil á höldnu og með ógnarlangan ál. Við það rifjaðist upp fyrir mér þetta kvæði sem ég er búinn að vera að söngla síðan.

Ég vild´ég væri ógnarlangur áll
örmjór og háll.
Þá mundi ég ellltaf, alltaf, alltaf hringa mig
utan um þig.

Hjartað í mér er
Eins og bráðið smjér
úti er um mig
ef ég missi þig

Þú ert mitt eina, eina, eina kóngaljós,
Ljúfasta drós.

2006-12-12T14:45:00.001Z

Dark Lullaby er langleiðinlegasta sem er á spilunnarlista á Rás 2 og það er alltaf verið að spila það. Ekki nóg með að lagið sé leiðinlegt þá er enskan hjá flytjandanum ekkert betri en hjá Valgerði Sverris þannig að kjánahrollur hríslast um mann allan. Hér geta áhugasamir hlustað á lagið á heimasíðu flytjanda

2006-12-11T20:20:00.000Z

Jæja...

2006-12-11T20:01:00.000Z

Þá er kominn tími á að maður komi frá sér frekari fréttum.

Af íbúðamálum er það að frétta að við fengum loksins þinglýst afsal af ljósvallagötunni þannig að það var hægt að ganga frá sölunni. Nú er því altént lokið og búið að leggja inn nokkrar milljónir á reikninginn hjá mömmunni. Nú skemmtum við okkur við að hringja í bankalínuna til þess að heyra manninnn segja: Staðan á reikningnum er fimm miljónir eitthvað eitthvað eitthvað. Góð fjölskylduskemmtun.

Kolbeinn er alltaf jafnhress. Fékk þurrmjólk í fyrsta sinn í vikunni þegar móðirin fór í eitthvað sem var kallað aðventustund, mig rennir reyndar í grun að það hafi verið meira dreypt á messuvíni en farið með bænir. Hann mótmælti þurrmjólkinni aðeins fyrst, en svo þegar ég setti vatn útí hætti hann að mótmæla.

Við fórum í leikhús í gærkvöldi. Sáum lokasýningu á Pétri Gaut. Skemmst frá því að segja að þetta var hreint út sagt stórkostleg leiksýning. Allt við hana. Textinn, leikurinn, leikmyndin og lýsingin. Frábært í alla staði!

Ég fór til læknis í dag og hann sagði mér ð ég væri að öllum líkindum með ónýta liðþófa í hnjánum. Nú get ég að öllum líkindum gefið upp alla von um að verða atvinnumaður í knattspyrnu. Það er dáldið fúlt, ég ætlaðí að hringja í Eggert og athuga hvort hann vantaði menn. Reyndar er hann að leita að þjálfara, maður hlýtur að geta þjálfað liðþófalaus.

Vinir

2006-12-03T21:00:00.000Z

Það er gaman þegar maður hittir vini sína aftur eftir langan tíma. Það er í tilfellum eins og þeim þegar maður kemst að því hverjir eru í raun vinir manns. Núna í síðustu viku rakst ég á gamlan vin sem ég kallaði einn minn besta vin. Við höfðum ekki hittst í 4 ár. Svosem alveg verið í sama landi, sömu borg jafnvel. Bara einhernveginn farið á mis við hvor annan. Verið að sinna ólíkum málum. Hittumst svo í vikunni fyrir tilviljun, tókum rúman hálftíma í að fara á hundavaði yfir það sem við höfðum misst af hjá hvor öðrum og síðan var eins og við hefðum hittst síðast í seinustu viku. Ekkert vesen yfir því að hafa ekki talast við í langan tíma. Svona vini er gott að eiga, ég á ekki marga vini en þeir vinir mínir sem ég á eru vinir mínir skilyrðislaust og ég veit að þó ég hitti fólk kannski ekki lengi þá breytir það engu um vinskap minn við þá.

Traustur vinur getur gert kraftaverk....

Grin

2006-12-01T22:17:00.000Z

Ég er búinn að vera að horfa á Unicef grínið í sjónvarpinu. Alveg er það merkilegt hvað þeim tekst að gera þetta lítið fyndið. Það er til fullt af fyndnu fólki hér á landi en það er eins og þegar á hólminn er komið og þetta fólk þarf að vera fyndið til bjargar mannslífum þá klikkar allt. Leiðinlegur skemmtiþáttur er einhvernvegin það sem verður úr. Þáttur alveg nákvæmlega eins og allir svona söfnunnarþættir hafa verið í gegnum tíðina þar sem kemur ófyndið grín, svo söngatriði og svo nýjustu tölur. Ég hélt að fyrst það ætti að fókusa á grín þá yrði þetta kannski fyndið. En nei, hreint ekki fyndið. Tveir hápunktar þó: Sigtið og Þorsteinn Guðmundsson sem eru ekkert minna en snillingar. Lágpunktar: Spaugstofan (það var sýnd mynd af salnum þegar var verið að klappa og við blöstu ráðvilt andlit barna sem vissu ekkert afhverju þau voru að klappa) Búbbarnir (þarfnast engrar útskýringa, er bara lélegasta grín sem er til í dag, meira að segja verra en spaugstofan) Málefnið er gott og innslögin og myndirnar frá Afríku eru áhrifaríkar, en grínið er ekkert grín.

Svona er þetta gert í Englandi...

Fyndið?

2006-12-01T21:13:00.000Z

Stundum er maður feginn því þegar drengurinn er kominn inn í rúm og farinn að sofa.

Ekki núna, núna finnst mér það leiðinlegt. Ég sakna hanns...

Þetta happí lið

2006-11-30T18:23:00.000Z

Þetta happí lið
Þið, þetta happí, happí lið
svo heilbrigð og réttsýn og góð,
sem lánið hefur leikið við
lífsins beinu slóð
og ævin er eins og draumur
þar sem ekkert miður fer
og sjáið á aumingjum aumur,
einkanlega mér,
þið, þetta happí, happí lið ...

þið, þetta happí, happí lið
með hund og jeppa og lán
hjá Glitni fyrir glingri sem þið
getið verið án
og hélu á sál og hjarta
og heiðríkju á brá
og mætið ei myrkrinu svarta
sem mæðir hinum á,
þið, þetta happí, happí lið ...

og þykist hafa höndlað allt
sem hægt er að óska sér
og haldið allt í heimi falt,
hve háleitt sem það er,
megið öll mín vegna deyja
og morkna við himins hlið,
en líka líða og þreyja
það líf er kusuð þið,
þetta happí, happí lið.

D.Þ.J

Pelabarn!

2006-11-30T13:55:00.000Z

Skammdegi

2006-11-29T20:31:00.000Z

þá er nú blessað skammdegið skollið á með sínu venjulega þunglyndi. Ég var að átta mig á því núna um daginn. Í þetta sinn leysi ég það á skynsamlegri hátt en ég hef áður gert. Núna læt ég allt fara alveg brjálæðislega í taugarnar á mér. Ég rífst í sjónvarpinu á kvöldin ef mér finnst fók vera að segja einhverja vitleysu. Hreyti ónotum í auglýsingarnar og fussa og sveia yfir því hvernig fólk keyrir. Það er þó ekkert víst að það sé skammdegið sem hefur þessi áhrif á mig. Kannski er það virkilga það sem fólk segir í fréttum og auglýsingum sem er svona fáránlegt. Jón Sigurðsson er til dæmis að reyna að leysa framsóknarflokkinn undan þvi að bera ábyrgða á stuðningi okkar við Írak. Gott og vel, það er alltaf ágætt þegar fólk sér villu vegar síns. En mér finnst það dáldið hæpið að við eigum bara að gleyma því að það hafi verið farið framhjá öllum og öllu til að styðja þessa vitleysu. Svo eigum við líka að gleyma því að allir í framsóknarflokknum, nema Kristinn H, hafi keppst við að verja þessa ákvörðun. Nei nú á að gleyma öllum valdhrokanum af því að Jón segir að þetta hafi verið mistök. Ég hefði getað sagt Jóni það fyrir löngu síðan og örugglega margir aðrir ef hann bara hefði haft vit á því að spyrja.

2006-11-29T19:53:00.001Z

Þetta er eitt af því sem ég læt pirra mig um þessar mundir. Annað eru allar þessar auglýsingar um að maður þurfi alltaf að ná að gera allan fjandan fyrir jól. Ekki nóg með að það þurfi að þrífa allt, sem er svosem í lagi, heldur þarf maður líka að fá sér nýjan bíl, skipta um eldhúsinnréttingu, mála allt hátt og lágt, fara í jólahlaðborð og / eða jólatónleika, fá sér nýtt sjónvarp og ég veit ekki hvað og hvað. Það er ekkert skrítið að fólk sé hálfklikkað i desember. Það eru allir með móral yfir því að hafa ekki náð að gera nema lítið brot af því sem maður er hvattur til að gera.

Enn annað eru fáránlegir sjónvarpsþættir eins og Prison break eða Sluppu naumlega fyrir horn, eins og ég kýs að kalla það, Law and order og CSI. Hvernig getur hugsandi fók horft á þessa vitleysu, þetta er nákvæmlega sami þátturinn viku eftir viku. Prison break er þó sá eini af þessum sem ég horfi á því hann er ekki alveg eins vitlaus ens og hinir. Það er allavega söguþráður. Þrátt fyrir það fer alveg óstjórnlega í taugarnar á mér að hvað þeir geta sloppið fyrir horn aftur og aftur þó það sé svaka klár lögga á hælunum á þeim. Maður fær leið á svona fíflaskap.

Æ, ég veit það ekki, kannski er bara rétt að skella skuldinni á skamdegið og taka þátt í ruglinu. Hætta að láta þetta allt fara svona í taugarnar á sér

Guð gefi mér kæruleysi til þess að sætta mig við það sem ég get ekki breytt....

Frettir

2006-11-27T10:29:00.001Z

Góðan dag, nú verða sagðar fréttir af Ljósvellingum. Á seinustu viku hafa orðið töluvert miklar breytintgar á högum okkar. Reyndar hafa hagar okkar ekki breyst svo neinu nemi ennþá en það kemur að því.

Fyrst er það Kolbeinnn. Hann er byrjaður að labba út um allt og kann bæði að segja Pabbi og kaffi og má ég horfa á þáttinn þarna með Jónasi Sen því mér finnst hann svo framúrskarandi skemmtilegur og áhugaverður. Einnig finnst mér Jónas Sen sérstaklega líflegur og snjall spyrill, fyrir nú utan hvað hann er fyndinn!

Pásapásapásapása

NOT!

Annað fréttnæmt: Við seldum íbúðina sem við búum í núna á mánudaginn var. Fengum fyrir hana nánast það sem við báðum um, sem telst víst jákvætt. Eins og ég sagði hér fyrir neðan þá held ég að eplakakan hafi gert útslagið. Á föstudaginn Skrifuðum við síðan undir kauptilboð í íbúð í Mávahlíð 44. Nú á bara eftir að ganga frá öllum praktískum málum eins og lánum og þessháttar. Smá vesen samt. Við þurfum að afhenda okkar íbúð 1. febrúar en fáum ekki afhent fyrr en í fyrsta lagi um miðjan mars og í seinasta lagi 1. mai. en það reddast....

Enn eitt fréttnæmt. Ég er kominn í vetrarfrí og verð í heila viku. Planið var að taka til hendinni á heimilinu í vetrarfríinu. Skipta um sturtuklefa og flísar á baðherberginu, en það verður víst eitthvað lítið úr þvi fyrst við eigum ekkert í því lengur.

Að lokum er síðan vær myndir af Kolbeini að berjast við ljónið sitt, fyrir ykkur sem skoðið þessa síðu bara til þess að sjá myndir af honum

2006-11-27T10:28:00.000Z

2006-11-21T17:38:00.000Z

Það er komið tilboð! Eplakakan virkaði...

2006-11-21T14:14:00.000Z

Nú þarf maður að fara að halda með West ham

Opið...

2006-11-20T18:01:00.000Z

Það er opið hús á Ljósvallagötunni núna á eftir. Þá kemur fasteignasalinn hingað og fullt af fólki kemur líka til að skoða. Við erum búin að taka vel til og það er eplakaka í ofninum því einhver sagði að fólki líkað sú lykt best þegar það kemur inn í hús.

SKO!

2006-11-18T13:05:00.000Z

Þá er Ljósvallagatan komin á sölu. Upplýsingar má nálgast á eftirfarandi hlekk:

http://mbl.is/mm/fasteignir/fasteign/?eign=226495

Chen Qui

Sumt er fyndið� annað� ekki

2006-11-15T22:04:00.000Z

Há�marki í� leið�indum �í í�slensku sj�ónvarpi var lí�klega nú�� kv�löd þ�egar Jó�i Fel var að� elda fyrir Bú�bbana og eins og þ�að� væ�ri ekki nó�g þá var alltaf einn Bú�bbi me�ð honum � eldhú�sinu að� gjamma framí � og segja lé�lega brandara. �Í sjá�lfu sé�r hef é�g ekkert �á mó�ti lé�legum skrí�tlum, þ�annig. Enda kemur ví�st nó�g af þeim frá� m�ér venjulega. Lé�legu brandararnir hjá� Bú�bbunum eru hins vegar ekkert fyndnir, ö�fugt við� mí�na lé�legu brandara sem eru �í lang flestum tilfellum afar fyndnir.

Talandi um fyndni�.

Við� fó�rum �í bíó�� kvöl�d að� sjá� Borat Cultural Learnings of America for Make Benefit Glorious Nation of Kazakhstan. þ�að� er skemmst frá� þ�ví� að� segja a� hú�n var alveg hreint sjú�klega fyndin. Manni var oðr�ið� verulega illt � maganum á� tí�mabili. É�g á�tti reyndar von � það� þ�að� yrð�i frekar �þreytandi að� horfa á� borat � 90 mí�n�útur. Að� hann yrð�i fyrirsj�anlegur. En nehei, myndin kom manni sí�fellt á� ó�vart og �það� var meira að� segja �ágæ�tur sö�guþráð�ur sem batt vitleysuna saman. Svo er þ�etta svo mikil á�deila á � Bandar�kin og þá vitleysu sem �þar við�gengst.

Hé�r er svo sm�á Borat fyrir ykkur.

YAK SHEMASH!

Langar þrjar minutur

2006-11-14T21:35:00.000Z

Við erum að kenna Kolbeini að farfa að sofa. Samkvæmt einhverjum svefnráðgjafa á maður að fara með hann inn í herbergi, syngja einn slagara og bjóða góða nótt. Allt meðan drengurinn er ennþá vakandi. Svo þegar þessu öllu er lokið á maður að bjóða góða nótt, smella kossi og fara út. Ef hann fer svo að gráta (EF HANN FER AÐ GRÁTA!!!) á maður að láta hann gráta í þrjár mínútur áður en maður fer aftur inn. ÞRJÁR MÍNÚTUR!!! þessar þrjár mínútur eru með þeim lengstu og erfiðustu sem ég hef upplifað. Svo huggar maður og fer aftur fram og síðan grtátið í þrjár og þannig koll af kolli. Í kvöld grét minn maður í tvisvar sinnum þrjár og svo eina og þrettán áður en hann sofnaði loksins. Mér telst til að það séu sjö mínútur og þrettán sekúndur sem ÉG LÉT HANN GRÁTA. Þetta er þó allt saman gert eftir ráðum svefnsérfræðings sem á að vita um hvað hann er að tala.

Vonandi verður hann ekki mjög lengi að læra þetta blessaður drengurinn, Þegar hann er svo sofnaður lítur hann svona út í nýja rúminu. Friðsæll, ekki satt..?

2006-11-14T10:51:00.000Z

Það hafa einhver leiðindi hlaupið í hlekkina hjá mér, ég laga það seinna, Nóg annað að gera. Nú þarf að takak allt til og þrífa áður en það kemur manneskja frá fasteignasölunni að meta og taka myndir. Fórum að skoða aðra íbúð í gær. Hún var ekki nærri eins flott og hin þannig að við viljum hana ennþá. Málið er hins vegar að hún afhendist ekki fyrr en í mai.

-----
Kolbeinn Skúli svaf í rúmi í fyrsta sinn í nótt. Það er búið að leggja vöggunni. Mér finnst þetta vera afar stórt skref í því að verða fullorðinn og ég er ekki frá því að honum finnist það líka. En núna, Taka til og þrífa...

2006-11-12T23:43:00.000Z

Í dag var Feðradagur.

Myndir!

2006-11-12T15:47:00.000Z

2006-11-11T01:52:00.000Z

Þó ég sé latur við að færa dagbók hér þá þýðir það alls ekki að það sé lítið sem á daga okkar drífur um þessar mundir. þessi vika er búin að vera stútfull af merkilegum hlutum. Þeir eru;

-Byrjuðum á sundnámskeiði með Kolbein Skúla
-Fundum íbúð sem okkur langar í
-ákváðum að fara ekki í framkvæmdir, heldur setja á sölu íbúðina okkar
-Kolbeinn var óþekkur í fyrsta sinn og vildi alls ekki fara að sofa, heldur öskraði og æpti á foreldra sína og sjálfan sig í speglinum
-fórum ekki í afmæli til Heiðrúnar
-Settum vetrardekk undir bílinn

Og margt margt fleira. Svo er líka búið að vera svo mikið að gera hjá mér í vinnunni að ég er ekkert búinn að gefa mér tíma til þess að færa það til bókar.

Ég bið forláts...

Frjálslyndir?

2006-11-07T14:12:00.000Z

Frjálslyndi flokkurinn, heitir á ensku "the liberal party" sem gæti líka þýtt umburðarlyndi flokkurinn. Hvernig passar það við nýja stefnu í málefnum innflytjanda?

Ég sting upp á nýju nafni: Umburðarlyndi fasistaflokkurinn. Hvernig líst fólki á það?

2006-11-06T00:41:00.000Z

Fyrir helgi setti ég auglýsingu í fréttablaðið þar sem auglýst var eftir starfsfólki. Ég fékk eina umsókn sem mér finnst vert að birta hér. Hún kom með SMS-i og hljóðaði svona

"Hi,I am from Poland.im looking for job for friday,saturday,sunday,. I have icelandic driving licence for fork lift. Thank you for answer."

Mér fanst það einstaklega áhugavert að fá umsókn með SMS-i og ekki fannst mér það síður áhugavert að viðkomandi skildi hafa próf á gaffalliftara. Það gæti vissulega nýst í starfi á veitingahúsum því vissulega liftir maður göflum í gríð og erg í svoleiðis vinnu.

Annars bráðvantar mig þjónanema ef einhver hefur áhuga, Þurfa ekki að hafa próf á gaffalliftara...

Þessi færsla er í boði RÚV ohf

2006-11-01T21:06:00.000Z

Við vorum að horfa á Jóa Fel í sjónvarpinu núna rétt í þessu. Jói Fel er svona náungi sem við hér á þessu himili elskum að þola ekki og þess vegna var það með nokkurri tilhlökkun sem við settumst í sófann eftir að hafa sporðrennt svínasnitsel með ansjósum og kapers.
Það er nú meira hvað þetta er orðið miki auglýsingaskrum. Reyndar hefur alltaf verið dáldil sponseralykt af Jóa Fel og þættinum hanns og þegar maður fer að spá í það þá er það svoleiðis með mjög marga Íslenska sjónvarpsþætti. Innlit útlit, Veggfóður og Brúðkaupsþátturinn eru góð dæmi um það. Hvernig ætli það sé, ætli það sé ekki möguleiki að búa til sjónvarpsþátt um "current events" öðruvísi en það sé allt löðrandi í mis duldum auglýsingum? Hvernig á maðúr að taka mark á nefdum Jóa Fel og hans matargerð ef allt sem hann útbýr er frá Nings? Mér finnst a.m.k. harla ólíklegt að það hafi hittst svoleiðis á þí þetta sinn. Sama með Völu Matt og kó það er minnst eitt plögg á hverjum fimm mínútum. Þetta er farið að verða eins og sjónvarpsmarkaðurinn var. Nema það er verið að reyna að fela auglýsinguna. Ég geri þó ráð fyrir því að fólk sjái í gegnum svona bull þannig að hvers vegna er verið að reyna að fela það? Af hverju kemur fólk ekki bara hreint fram og segir frá því að um sé að ræða auglýsingar?

Jæja nú má ég ekki lengur vera að þessu því Little britain er að byrja.

Matur er mannsins megin

2006-10-31T20:01:00.000Z

Í kvöld var lifur í matinn hjá Ljósvellingum. Rósa heimtaði að fá uppskift og hún er komin hingað.

Annars erum við feðgar einir heima í kvöld. Mamman er að spila brú, eins og alltaf á þriðjudögum.

Lifið heil

Smádrengur úr sveitinni og smáborgarinn ógurlegi

2006-10-30T20:43:00.000Z

Í dag fengum vi heimsókn úr Refasveit og þeir frændur léku sér saman um stund. Ókei, það er kannski ofmat að segja að þeir hafi leikið sér saman, en þeir lágu a.m.k. saman, horfðu á dót, borðuðu á sér hendurnar og slefuðu nokkra lítra hvor. Það má vel kalla það að leika sér saman með góðum vilja.

Hér er mynd af þeim að leika sér.

------------

Annars er það að frétta af okkur að smáborgarinn er ekki einungis búinn að ná á okkur tökum, heldur virðist hann vera að ná yfirhöndinni hér á heimilinu án þess að við ráðum við nokkuð. Nú erum við að skoða íbúðir og hús í Hafnarfirði. Í kjölfar þess að það kom maður að gefa okkur verðhugmyndir fyrir framkvæmdir á Ljósvallagötunni fórum við að hafa áhyggjur af því að þetta yrði of dýrt og of mikið mál. Kannski væri bara sniðugra að flytja í risastórt hús í Hafnarfirði. Allt tilbúið og græjað. Við þurfum hvort sem er að pakka öllu dótinu okkar saman. Ég átta mig á að þarna talar hinn alræmdi smáborgari sem vill að allir flytji úr vesturbænum og í úthverfi. Spurningin er hins vegar sú hvort maður á að þagga niður í honum eða leyfa honum að hafa eitthvað um máli að segja. Hann er þó a.m.k. ekki að reyna að fara með okkur í Grafarvog eða Breiðholt. Hafnarfjörður er ekki slæmur, gamli miðbærinn þar bara nokkuð fallegur, bara dáldið svipaður vesturbænum....

Þaggi...?

tvær myndir í dag

2006-10-28T17:46:00.000Z

Önnur neð nýja dótið sitt sem hann fékk í dag og hin með stóra bróður....

Mynd daxins

2006-10-27T21:04:00.000Z

Frábært!

2006-10-26T16:35:00.000Z

Ég er í helgarfríi þessa helgi!
Steinarr er að koma í heimsókn að norðan!
Kolbeinn Skúli og mamman líka í helgarfríi!
Við erum öll boðin í lambalæri til mömmu á laugardag!

Þetta verður skemmtileg helgi!

Víddjó

2006-10-24T21:00:00.000Z

Maður reynir nú að standa við það sem maður lofar, svona innan skynsamlegra marka auðvitað. Ef ég hefði til dæmis lofað einhverju sem væri erfitt að standa við eða ef ég hefði verið píndur til þess að lofa einhverju er ég ekki viss um að ég myndi standa við það. En að lofa að birta a.m.k. eina mynd á dag af Kolbeini Skúla er loforð sem ég stend við með ánægju. Hér er meira að segja hreyfimynd og ef mynd segir meira en þúsund orð, hvað ætli hreyfimynd segi mörg? 1.100 kannski? eða meira?

Önnur fyrir afann af´onum með afanum

2006-10-23T21:38:00.000Z

Á mánudögum eru okkar sunnudagar. Við fórum í dag, litla fjölskyldan, út í gönguferð. Við ætluðum rétt að skreppa. Kannski labba kringum tjörnina eða í bónus á laugaveginum að kaupa bleijur. En vegna einmuna veðurblíðu enduðum við með að vera úti að ganga í næstum fjóra tíma. Fórum reyndar ekkert mjög langt, heldur héldum okkur innan 101 og 107. Þessi gönguferð yrði líklega kölluð "urban trekking" á útlensku fagmáli. Kolbeinn svaf reyndar mestalla leiðina en var þó nógu kurteis að vakna þegar við hittum fólk, svo svaf hann þess á milli.

--------

Nú er búið að landa langreiðinni. Ég skil núna af hverju þetta er kallað langreiður. Það er vegna þess að maður verður lang- reiðastur við að lesa og horfa á fréttir af þessum skrípaleik. Í kvöldfréttum rúv var sagt frá því að sendiherra Japans hefði sagt frá því að ólíklegt væri að hægt yrði að selja það hvalkjöt sem landað yrði hér á landi í Japan. Þar væri markaðurinn mettur af hvalkjöti sem væri veitt þar. Viðbrögð Kristjáns Loftssonar: "Ég tek nú ekkert mark á því hvað einhverjir sendiherrar segja!" Ég er að spá í að að taka upp þetta viðhorf. Taka ekki mark á neinu sem mér þykir óþægilegt

Ein mynd fyrir afann

2006-10-22T20:12:00.000Z

Hér er ein mynd fyrir afann sem er í útlöndum og heimtaði að fá nýja mynd af nafna sínum á hverjum degi. Hér verður reynt að verða við því eftir fremsta megni.

Fyrir hinn afann er búið að fela vínbloggin. Ég er svo svegjanlegur nefnilega...

Lifið heil

Hvalarúm

2006-10-21T15:35:00.000Z

Yfirleitt finnast mér sérviskur og undarlegheit Íslendinga sem þjóðar vera dáldið sniðug. Mér finnst gaman að því hversu brjáluð við erum í Júróvisjon og handbolta. Það fara næstum allir út ú bænum á fylleri ú verslunnarmannahelgina. Það kaupa allir flugelda fyrir mörg þúsund kall. Mér finnst semsagt yfirleitt skemmtilegt hvað hópsálin í okkur sem þjóð er stór. Núna held ég þó að sé verið að keyra um þverbak! ég rakst á þessa auglýsingu sem er hér á myndinni í fréttablaðinu í dag. Þetta er eitt það furðulegasta sem ég hef lengi orðið vitni að. hvalveiðitilboð á rúmdýnum!!! í fyrsta lagi er ég nú ekki viss um að 70% þjóðarinnar sé fylgjandi þessu, en það er önnur saga. Hvernig dettur fólki í hug að spyrða saman rúmaútsölu og hvalveiði? Ég tek að ofan fyrir frumleika auglýsingastofunnar.

Þetta sagði Baggalútur

2006-10-19T18:10:00.000Z

Sjávarútvegsráðherra heimilaði í gær hvalveiðar að nýju í íslenskri lögsögu.

Sagði ráðherra að loks fengju þessar „lúsugu rottur hafdjúpanna“ það sem þær ættu skilið.

Hvalur 9 var dubbaður upp í hendingskasti og fylltur blóðþyrstum hvalveiðimönnum, vopnuðum sprengiefni, hvalskutlum og klóróformi. Fylgdu þeir í humátt á eftir hvalaskoðunaskipinu Kátu hnísunni og voru að vonum ekki lengi að komast í feitt.

Dante

2006-10-18T17:38:00.001Z

Þá er skrásetjari kominn aftur heim í faðm fjölskyldunnar. Heim frá hremmingum kaupmannahafnar. Þetta var ágæt ferð en dáldið erfið. Það var farið út að borða fimm stjörnu fjórum sinnum á tveim dögum. Að meðaltali 7 rétti í hverri máltíð og tilheyrandi vín. Maginn á mér þolir dáldið illa svona veisluhöld og er ég því frekar slappur eftir þetta en glaður í höfðinu. Því það er fátt sem mér finnst skemmtilegra en að borða svona mikið. Ætli ég sé ekki að einhverju leiti að upplifa helvíti Dantes? Að þurfa að þjást fyrir það sem manni finnst best.

-----------

Kolbeinn Skúli er alltaf að verða skemmtilegri og skemmtilegri. Ég var, eins og fyrr segir, í burtu í tvo daga og mér fanst eins og hann hefði elst um einhverja mánuði. Stækkað og mannast allur. Það er þó líklega ekki rétt. Núna syngur hann allan daginn. Hann syngur ekki ósvipað og Jónsi í Sigurrós á ( ) plötunni. Þ.e.a.s. dáldið mikið af löngum úúúúúú hljóðum stundum ííííííí og jafnvel oooooo. Hann á það meira að segja til að blanda þessu ollu saman í langt íííííúúúúúúooooo og sjóta ínn í einum og einum samhljóða inn í og þá helst G- um eð T- um þannig að úr verður hinn fallegasti söngur um lífið og tilveruna, án þess þó að hægt sé að gera sér grein fyrir merkingu hvers orðs fyrir sig. Magíkst!

-------------

Og talandi um Hvalasöng...

Nú á að fara að veiða hvali aftur. Það er eitt það vitlausasta sem ég ehf heyrt lengi. Ekki vegna þess að mér finnist hvalir svo mikil krútt að það megi ekki drepa þá. Nei, ég vil endilega að það séu drepnir nokkrir hvalir á ári til þess að ég geti fengið hvalkjötöt, sem er eitt það besta sem ég fæ. Mér finnst kjánalegt að ætla að fara að endurvekja útgerð sem enginn markaður er fyrir lengur. Ég las einu sinni grein í Newsweek um hvalveiðar í heiminum í dag sem var ansi merkileg. Þar komst ég að því að bæði norðmenn og japanir veiða talsvert magn af Hrefnu. Mig minnir að um sé að ræða í kringum tvö þúsund dýr á ári sem þeim tekst ekki að selja næstum öll, ekki einu sinni í japan. Þannig að ástæðan fyrir því að mér finnst þetta kjánalegt er þetta er ekki góður buisiness. Ég er viss um að þetta verður ríkisstyrkt áður en langt um líður þannig að þetta kemur okkur við. Fyrir utan það að við fáum upp á móti okkur aðrar þjóðir algerlega af ástæðulausu.

Já svo er nú það....

Köben

2006-10-14T15:01:00.000Z

Nú er að bresta á með Airwaives. Byrjar í næstu viku. Það verður dáldið skrítið að fara ekki. Ég er nefnilega búinn að fara allar hátíðirnar hingaðtil. En ætla ég að vera að vera heima með Kolbeni Skúla og mömmunni. Hins vegar er ég að fara til kaupmannahafnar vinnu minnar vegna. Ég kem til með að borða hérna og hérna nú og líka hérna´Ásamt því að fara í Kampavínsbrunch hérna. Þetta verður erfitt og það er hætt við því að maður verði með dáldinn brjóstsviða á leiðinni heim. En svona er lífið. Ekki eilífur dans á rósum

Gorbastjov

2006-10-13T01:09:00.000Z

Ég skil ekki af hverju Gorbatjov er fagnað svona vel hér á landi. Jú ókei, hann átti líklega þátt í því að kalda stríðinu lauk og líklega hefur hann verið ágætis landkynning. En hann er líka ábyrgur fyrir því að Ísland á aldrei eftir að eiga séns í Eurovision. Það er honum að kenna að múrinn féll, að Sovétríkin liðuðust í sundur og urðu öll þessi -istan lönd, sem síðan varð til þess að hin austantjaldslöndin skiptust upp í enn fleiri lönd. Sem síðan hafa unnið Eurovision.

Ég segi: Sendum Gorba heim! hann hefur sært Íslenski þjóðina djúpu hjartasári sem ekki á eftir að gróa í bráð...

Barnalán

2006-10-10T19:53:00.000Z

Mér var bent á það í símtali í dag að færslur hér væru of stopular. Ég sem hélt að ég stæði mig nokkuð vel. En þegar ég skoaði dagsetninguna á seinustu færslu áttaði ég mig á ég lifi í skugga sjálfsblekkingar, Hér eru færslur nokkuð stopular.

Í dag barst mér bréf frá Landsbankanum. Í silfur umslagi voða fínt. Í því var kort: Til hamingju með krílið stóð framan á því og innan kæri vörðufélagi... Bla bla bla... Allavega, þá var þarna Kolbeini gefnar 5.000 krónur inn á verðtryggðan framtíðarreikning. Siðan stóð:

Þegar reikningur er stofnaður er barnið sjálfkrafa skráð í barnaþjónustu Landsbankans sem heitir sprotarnir. Sproti er kátur, snjall og ráðagóður vinur allra barna. Þú getur og félaga á Framtíðargrunninn á www.landsbanki.is

Gangi ykkur allt í haginn,

Með kærri kveðju,
Landsbankinn

Ókei, skoðum þetta. Ég er ekki í vörðunni. Ég er ekki einu sinni með mín bankaviðskipti í Landsbankanum. Mamman er hins vegar í vörðunni. Ætli mér hafi verið sent þetta af því að ég er faðir barnsins, fyrirvinna heimilisins og þar af leiðandi sá sem sér m fjármálauppeldi barnsins (nýyrði, fjármálauppeldi. þið megið nota það ef þið viljið.). "þegar reikningur er stofnaður er barnið sjálfkrafa..." Ég stofnaði aldrei reikning fyrir barnið en með því að "gefa" barninu 5000 kall inn á reikning fær bankinn leyfi til að skrá barnið í barnaþjónustu sína. Foreldrar fetta að sjálfsögðu ekki fingur út í það því ekki vill maður svifta barninu þeim auðæfum sem fimmþúsundkall verður þegar barnið verður fullorðið. Eða hvað? Er eðlileggt að tveggja mánaða gömul börn séu targetuð í auglýsingaskini? Ég er ekki viss...

Ég ætla þó ekki að afþakka fimmþúsund kallinn hans Kolbeins og taka þannig silfurskeiðina sem Landsbankinn gaf honum úr munni hans. Ég þori það ekki.

Merkilegt

2006-10-07T15:21:00.000Z

Núna sit ég á skrifstofunni minni og er að þykjast gera eitthvað merkilegt. Það eina merkilega sem ég er í rauninni að gera er að hlusta á útvarpið. Kolbeinn er orðinn B maður eins og foreldrarnir. Hann tók upp á því í þessari viku að vilja ekki lengur fara að sofa um átta leitið eins og hann er búinn að gera. Hann verður hundfúll og grenjar ef við vogum okkur að setja hann inn í rúm snemma. Alveg sama hvað hann er þreyttur.

þttea er mrekliegt....

2006-10-04T22:56:00.000Z

Þetta er allmerkilegt, ekki satt?

if yuo cna raed tihs, yuo hvae a sgtrane mnid, too.

Cna yuo raed tihs? Olny 55 plepoe tuo fo 100 anc.

i cdnuolt blveiee taht I cluod aulaclty uesdnatnrd waht I was rdanieg. The phaonmneal pweor of the hmuan mnid, aoccdrnig to a rscheearch at Cmabrigde Uinervtisy, it dseno't mtaetr in waht oerdr the ltteres in a wrod are, the olny iproamtnt tihng is taht the frsit and lsat ltteer be in the rghit pclae. The rset can be a taotl mses and you can sitll raed it whotuit a pboerlm. Tihs is bcuseae the huamn mnid deos not raed ervey lteter by istlef, but the wrod as a wlohe. Azanmig huh? yaeh and I awlyas tghuhot slpeling was ipmorantt!

Fleiri hlekkir

2006-10-04T21:34:00.000Z

Núna er ég búinn að bæta við nokkrum hlekkjum í keðjuna hér til hliðar. Þetta eru blogg sem ég gægjist í á ferð minni um öngstræti alnetsins. Vafalaust eiga eftir að bætast fleir í hópinn þegar fram líða stundir.

Ný ritstjórnarstefna

2006-10-04T13:49:00.000Z

Skrítið með þetta blogg. Í upphafi átti þetta einungis að vera um það hvernig það væri að eiga nýtt barn og hvernig því liði. og ef maður skoðar fyrstu færslurnar þá er það svoleiðis í nokkra daga. Furðu fljótt breytist það þó og verður vetvangur allskonar misgáfulegra vangaveltna um allt mögulegt. Ennþá slæðast þó með fréttir af drengnum og myndir en þetta er eiginlega meira um mig og mínar pælingar. Þegar ég áttaði mig á því þá skammaðist ég mín dáldið. Fannst eins og ég væri að svíkjast undan. Að ég væri að svindla á þeim sem vilja bara vita eitthvað um Kolbein Skúla. hvernig hann dafnar og vex. En eftir að hafa haldið ritsjórnar fund þá hef ég tekið þá ákvörðun að svona verði þetta framvegis. Að sjálfsögðu ætla ég að halda áfram að birta myndir og fjalla um Kolbein Skúla og hans fjöldkyldu, enda er það það sem mér finnst merkilegast og það sem er áhugaverðast fyrir aðra að lesa. En ég ætla að hætta að hafa samviskubit ef ég skrifa um eitthvað annað en það. Verst að ég get ekki skrifað neitt um vinnuna, því hún er hafsjór af allskonar undarlegheitum sem gaman væri að skrifa um og jafnvel lesa. En því miður verður það að liggja á milli hluta.

Undrabarn

2006-10-03T20:16:00.000Z

Það er gaman að fylgjast með Kolbeini Skúla núna. Hann er að fatta að það sem sveiflast í kringum hann er fast við hann og hann hefur eitthvað með það að gera hvernig það sveiflast. Hann á það til að pota í fuglana sem hanga fyrir ofan hann á leikteppinu sínu. Fyrst var það algerlega óviljandi en núna er hann farinn að slá til þeirra markvisst. Reyndar gleymir hann því líka dáldið fljótt að hann gefur eitthvað með málið að gera. Það breytir því ekki að hér er augljóslega undrabarn á ferð.

Foccacia

2006-10-02T22:25:00.000Z

Fór í bakarameistarann í Suðurveri i dag. Þar tók á móti mér unglings stúlka með sogblett í hægra hálsakoti, mikla augnmálningu og óaðfinnanlega uppsett hárið. Bara nokkuð hugguleg stúlka. Þegar kom loksins röðin að mér (ég þurfti að hleypa þrem frammúr mér aþví að ég gleymdi að taka númer) var ég búinn að fylgjast með stúlkunni afgreiða nokkra stund. Svona voru okkar samskipti:

-Get ég aðstoað? sagí hún og tuggði af áfergju.
- Já takk, hverskonar brauð er þetta? spurði ég og benti á kringlótt brauð með osti og einhverskonar kryddum.
-er þetta einhverskonar hvítlauksbrauð? hélt ég áfrám til þess að koma henni á sporið, því það var augljóst að ún hafði ekki unnið lengi þarna.
-já ég held það. Svaraði stúlkan og horfði fjarrænum augum skáhallt upp í loft og tuggði áfram. -Heldurðu það? Spurði ég þá.- Er nokkur leið að komast að því fyrir víst? -Bíddæns! svaraði hún þá og kallaði á kollega sinn ssem hjálpaði henni að fletta brauðinu upp í tölvu. -Þetta er eikkvað svona fokka ekkvað... sagði hún og tókst ekki að leyna því hvað henni fannst það sniðugt að brauðið héti fokka- eitthvað. -Focaicia? spurði ég og hún samsinnti því. -Er það með hvítlauk? Ítrekaði ég þá og stúlkan svaraði að bragði: -Ég er ekki viss... Svarði hún og lét þar við sitja. Ég ætlaði að kaupa eitthvað svaka fannsí brauð. Jafnvel "eikkva fokka eikkva..." en endaði með því að kaupa hálft fjallabrauð í staðinn vegna þess að það var svo erfitt að svara einföldustu spurningum um vöruna sem í boði var.

nokkrar hugmyndir um nýtingu herstöðvarinnar í Keflavík

2006-09-30T19:22:00.000Z

1. Fríríki.
Kristianiu vantar orðið stað til þess að vera á. Það á að leggja hana niður í núverandi mynd. Kristiania var upprunalega byggð á herstöð þannig að það eru fordæmi fyrir því að hún leggi undir sig svoleiðis svæði. Þessu fylgja margir ótvíræðir kostir. Þetta er inni á flugvellinum og þessvegna er hægt að skilja hassið eftir þar innan girðingar svo það þarf aldrei að fara inn í landið. Húsnæði á svæðinu er líka tilvalið fyrir þá starfsemi sem fer fram í Kristjaníu. Þarna eru nokkrir barir og risastór flugvélahús sem gætu nýst vel fyrir reiðhjólaverksmiðjur og fleira.

2. Vegas norðursins.
Þarna er hægt að leyfa fjárhættuspil og breyta öllum fjölbýlishúsunum í hótel. Nálægð við flugvöllinn er risastór kostur og leiguvélar frá bretlandi og norðurlöndunum koma til með að flytja mikinn fjölda fólks beint inn á svæðið. Flugskýlin sem eru þarna geta nýst sem tónleikastaðir og risakasínó. Svo væri tilvalið að nota hliðið inn á svæðið í „drive thru” giftingar...

3. Latabæjar skemmtigarður.
Svipað og Disney world. Enn eru blokkirnar notaðar sem hótel og allskonar leiktæki sett inn í flugskýlin. Flugbrautirnar geta nýst sem hlaupabrautir. Þarna er líka tilvalið tækifæri til þess að þróa Lató hagkerfið enn betur og gefa Lató peningunum loks þann sess sem þeir verðskulda í Kauphöllinni.

4. Kvikmydastúdío.
Hægt er að byggja leikmyndir í flugskýlunum og nota blokkirnar undir „crewið”. Kvikmyndafólk er miklir stuðboltar og nýtist því offiseraklúbburinn sérstaklega vel sem VIP klúbb urfyrir stórstjörnur.

5. Herstöð.
Það væri hægt að bjóða herjum frá löndum sem aldrei hafa henumið annað land að setjast að á miðnesheiði. Það má græða vel á því að selja þeim öll húsin og tækin sem kaninn gaf okkur. Kannski sænksi herinn hafi áhuga,..

Það er nú dáldið gaman...

2006-09-30T17:40:00.000Z

2006-09-30T17:32:00.000Z

Í dag eru smá samkvæmisónot en við rifum það úr okkur með góðum göngutúr.

Hér er góð grein eftir Davíð Þór Jónsson sem ég hvet fólk til að lesa.

Út að borða

2006-09-29T18:51:00.000Z

Í kvöld ætlum við að fara út að borða í fyrsta sinn síðan Kolbeinn fæddist. Það er búið að mjólka mömmuna núna í nokkrar vikur til undirbúnings. Við hlökkum mikið til

Í Frii

2006-09-29T15:55:00.000Z

MMMMMMMMMMMM

Bura

2006-09-28T18:01:00.000Z

Hvað er bura? Ég á þrjú börn en ég veit ekki til þess að ég eigi neina buru. Hvar ætli maður geti fengið buru? Ætli séu einhversstaðar burubúðir, eða ætli burum sé úthlutað til þeirra sem eiga þær skildar? Þetta truflar mig dáldið en ég er nokkuð viss um að missa ekki svefn útaf þessu. Ég kannski fletti þessu upp þegar ég kem heim. Nógur tími til þess því ég er að fara í helgarfrí. Þá ætla ég að mála branarúmið sem við fengum lánað hjá Thelmu. Þetta er svona venjulegt rimlarúm. Mig langar til þess að mála það svart í háglans en mömmnni finnst það alveg fráleitt. Ég læt fylgja mynd með af svörtu barnarúmi til þess að sýna mönmmunni og öðrum að þetta er hreint ekkert fráleitt.

2006-09-27T23:36:00.000Z

Margt er skrítið í kýrhausnum

2006-09-27T21:50:00.000Z

Það er dáldið af tilgangslausum upplýsingum á veraldarvefnum. Meðal annars að nafn mömmunnar stendur, meðal annars, fyrir samtök indverskra hnetubænda og mitt nafn fyrir fyrir samtök seem bjarga mannslífum ásamt fleiru

-------------------

Kolbeinn fór til hjúkkunnar í níu vikna skoðun í morgun og hann heldur bara áfram að vaxa og dafna. Er orðinn meira en 6 kíló og meira en 60cm. Risabarn! Við strákarnir erum búnir að vera einir heima í kvöld. Reyndar ekki mjög mikill félagsskapur í Kolbeini eftir 8. En fyrir 8 var nóg að gera hjá okkur. það næstskemmtilegasta sem hann gerir er að horfa á fólk vasast í eldhúsinu. það er hefur eflaust eitthvað með það að gera að maður er á stöðugri hreyfingu og það fylgir dáldill skarkali. Ég ákvað að leyfa honum að gera það sem honum finnst næstskemmtilegast í næstumþví klukkutíma í kvöld (það má nú ekki spilla drengnum og leyfa honum að gera bara það sem honum finnst skemmtilegast) á meðan gróf ég silung með grófu sinnepi, dilli og viskíi og bjó til plokkfisk úr laxaafgöngum frá því í gærkvöldi. Síðan fór hann í bað, drakk fullan pela og fór að sofa. Skilur mig eftir aleinan því mamman er á fjármálanámskeiði í háskólanum til þess að við› verðum einhverntíma rík.

-------------------

Í dag hringdi líka arkítektinn okkar í mig og var tilbúinn með fyrsta uppkast af húsinu. Ágætt alveg, en þarf aðeins að laga samt áður en það verður fullkomið. Mynd af teikningu fylgir.

------------------

Ég held að Kolbeinnn sé á leiðinni að verða brúneygur, eins og sjá má á meðfylgjandi mynd

Ég mótmæli allur!

2006-09-27T00:41:00.000Z

Í kvöld fórum við litla familían og gengum, þúsundum annarra niður laugarveginn til þess að mótmæla Kárahnjúkavirkjun og öðrum stóriðjuframkvæmdum sem fyrirhugaðar eru á Íslandi. Þarna var samankomið meira fólk en kaus Framsóknarflokkinn í seinustu kosningum. Er eitthvað réttlátt við það að við sem þarna gengum höfum ekki haft neitt að segja um hvað fer fram á hálendi landsins en stjórnmálaflokkur sem fékk innan við 10% fylgi í senustu kosningum geti eyðilagt landið til þess að geta selt rafmagn á kostnaðarverði til verksmiðju sem enginn vill vinna í? Ég vil hvetja alla lesendur til þess að standa upp og taka þátt í í að koma í veg fyrir að fleiri stórslys, eins og Kárahnjúkavirkjun verði að veruleika.

Laxmaður

2006-09-26T14:28:00.000Z

Seinasti veiðitúr sumrsins gaf tvo laxa, 7 og 5 punda og ein 3ja punda sjóbiring.

Móðir, barn og Ninni

2006-09-22T11:26:00.000Z

Það er nú ekki mikið ritað á þessa síðu nú um þessar mundir. Það er nokkuð ljóst að hér verður lífsgátan ekki leyst í bráð. Ja, ekki nema ég detti ofaná lausnina fyrirvaralaust, sem er frekar ólíklegt, því eftir því sem mér skilst þarf miklar bollaleggingar og skraf til þeirrar lausnar. En nóg um það! Kolbeinn skúli verður tveggja mánaða á sunnudaginn. Mér finnst líklegt að það verði haldið upp á það við hátíðlega athöfn hér á heimili hanns. Ég býst við að ég og mamman fáum okkur kannski sætabrauð með morgunkaffinu og bjóðum Kolbeini Skúla upp á gómsæta brjóstamjólk í tilefni þessara merku tímamóta. Ég er viss um að hann verður ánægður með það.

Það eru tvær myndir sem með þessum pistli í dag. Sú neðri er af Kolbeini og mömmunni á matmálstíma. Falleg mynd, það er verst að það heyrast ekki nautnahljóðin í drengnum. Hin myndin er af skóm sem ég átti þegar ég var barn. Eftir því sem mér skilst þá voru þessir skór uppáhalds skórnir mínir og þótt þeir væru orðnir of litlir tróð ég mér í þá. Þeir hétu "Ninni" því þetta voru inniskór.

Ein mynd

2006-09-20T14:16:00.000Z

Bara svona til að halda fólki við efnið. Kolbeinn er samur við sig. Algjört ljós! Her er hann með Stenunni Ömmu.

Huff... Úff

2006-09-19T01:36:00.000Z

Í kvöld var lokaþátturinn í fyrstu seríu af Huff. Maður lifandi, þvílíkt og annað eins. Ég man ekki eftir að hafa horft á erfiðari sjónvarpsþátt nokkurntíma. Maður hló og grét til skiptis.

Frábært stöff, Huff !

Mér er ofboðið!

2006-09-18T21:03:00.000Z

Er ég sá eini sem finnst of langt gengið í öllu þseeu Magnafári? Jú jú, ég horfði á þáttinn eins og allir aðrir og hafði meira að segja bara nokkuð gaman af. Mér fannst meira að segja dálsið krúttlegt af okkur sem þjóð að vaka í sameiningu heilu næturnar og kjósa meira en öll Bandaríkin samanlagt og eins og aðrir var ég upprifinn þegar "Magni okkar" var kominn í úrslitaþáttinn. Svaka stuð, dálidið eins og að hafa Júróvisjon einu sinni í viku. Þjóðin gat þjappað sér saman um eitthvað, eitthvað sem var ekki of flókið eða pólitískt. Bara miðlungsgóðan Amerískan raunveruleikaþátt. Rockstar er meira að segja annar tveggja raunveruleikaþátta sem ég treysti mér til að horfa á. Hinn er Amazing race. Restin er sama helvítis vælið aftur og aftur. Nákvæmlega sami þátturinn ár eftir á bara með öðrum andlitum. Rockstar verður eflaust líka leiðinlegur næst, nema Krummi í mínus fari og "keppi fyrir Ísland hönd". Hafandi sagt þetta allt þá finnst mér að þessi sama Krúttlega þjóð hafi gengið dáldið of langt í dýrkun á Magna. Sko, hann vann ekki einu sinni! Utanríkisráðherra færði honum bók um Kjarval að gjöf fyrir hönd íslensku ríkisstjórnarinnar og sniglarnir fylgdu limmanum hans frá keflavík. Það eina sem Magni gerði var að sjá okkur fyrir miðlungs sjónvarpsefni eitt sumar. Ekki nóg til þess að verðskulda fálkaorðuna fyrir. Ja mér finnst það að minsta kosti.

Mér finnst að við þurfum aðeins að slaka á, sem þjóð, alltso....

Innkaupalisti

2006-09-18T14:52:00.000Z

Núna, Bónus. Á eftir býsnast ég yfir Magnafári, eins og móðursjúki leiðindapúkinn sem ég er...

Innkaupalisti

Bleijur
tannkerm
sjampó
wc pappír
wc tuskur
Sveppir
Fisk í kvöldmatinn
Extra virgin ólífuolíu
Kex
te (melróses fyrir Magnús Örn)
Salt (venjulegt)
Þvottaefni
Augnhárahreinsi
mjólk
djús (epla)
Sandpappír
Hrásykur
Gróft spelt
e-a ávexti
Lýsistvenna
Núðlusúpur
Tómata
Pappír í prentarann

Afbrýðissemi

2006-09-16T11:39:00.000Z

já já, eins og hún systir mín áttaði sig á þá er það vinnan sem slítur svona í sundur fyrir mér blogglífið. Maður hefur orðið engan tíma til þess arna. Það sem mér þykir öllu verra er hvað ég hitti Kolbein Skúla orðið lítið. Ég finn að það örlar á smá afbrýðissemi í garð mömmunnar að fá að vera með honum allan daginn, allataf. Ég læt ekkert á þessari afbrýðissemi bera, heldur ber hana í hljóði ug hugsa til þess að í vor þá sé komið að mér. Þá fari hún að vinna og ég í orlof. Þá get ég verið með drengnum allan daginn, alltaf. Þá meira að segja verður hann farinn að skilja umhverfi sitt þannig að það verður miklu skemmtilegra hjá mér íorlofi . Já, svona hefni ég mín nú í huganum.

Annars var ég að fletta í gegnnum Birtu, blaðið sem klemur með fréttablaðinu. Þar var viðtal við konu um stjúpbörnin hennar og muninn á því hvernig hún kemur fram við þau eða sín egin. Ekkert merkileg grein, en það sem mér þótti merkilegt var að það var allatf talað um stjúpbörn og líffræðileg börn. Nú er ég ekki langskólagenginn maður og því hefur vafalaust mikið farið framhjá mér. En ég hélt að líffræði kæmi við sögu í öllum börnum, líka stjúpbörnum. Eða eru þau kannski landafræðileg?

Tölfræði

2006-09-12T22:20:00.000Z

Í gær fórum við tillæknisins með Kolbein Skúla. Hún var mjög ánægð með hann og mældist hann eftirfarandi:

Þyngd:5,55 kg
Lengd:57,5 cm
Höfuð: 37,5

Benedikt La Fleur

2006-09-09T13:08:00.000Z

Benedikt La Fleur og hanns afrek og draumar er eitt það skemmtilegra sem hefur verið í fréttum nú síðsumars. Nú kann einhver að spyrja sjálfan sig: Hver er Benedikt La Fleur eiginlega? Og er það í sjálfu sér ekki skrítið. Benedikt La Fleur er maðurinn sem ætlaði að synda ermasund fyrstur Íslendinga. Hann undirbjó sig vel og synti í sjónum við Ísland í sumar og í lok sumars var komið að því sem hann kallaðið "lokaundirbúning" fyrir ermasundið. Þá ætlaði hann að synda strandlengjuna í Reykjavík. Allt frá Grafarvogi og að Nauthólsvík. Þegar hann reyndi þetta fyrst þá þurfti hann því miður að gefast upp áður en hann náði að klára fyrri helming strandlengjunnar. K,enndi um veðri og köldum sjó. En hann gafst ekki upp hann Benedikt La Fleur. Ó nei. Á hlýum og fallegum sumardegi lagði hann í hann frá Grafarvogi með fullt af áheitum á bakinu, því það þurfti nú að safna einhverju með þessu afreki. Hann synti sem leið lá úr Grafarvogi og alla leið út á Granda en þar þurfti hann því miður að gefast upp eftir tveggja tíma sund. Hann vvar of þreyttur og þjakaður til þess að geta haldið áfram. Hann sagði að hann myndi ljúka strandsundinu á einhverjum næstu daga. það hefur vafalaust tekist hjá honum þótt það hafi farið frekar hljótt í fréttum. Svo fór Benedikt La Fleur til Englands nú um daginn til þess að synda sem leið lá til Frakklands. Það var við hann viðtal í útvarpinu og blöðum kvöldið fyrir stóra daginn og bar hann sig mannalega. Sagði spána góða og sjóinn nokkuð hlýjan. En svo öllum að óvörum kom svo frétt í fréttablaðinu í gær með fyrirsögninni: "Benedikt hættur við sundið". Sorgarfréttir, en samkvæmt fréttinni var víst frekar kalt og vont í sjóinn og sagðist Benedikt vera mjög svekkktur yfir því. Hann er þó ekki búinn að missa móðinn því hann ætlar að halda áfram sínu striki. Hann segir í viðtalinu að núna þurfi hann bara að fá til liðs við sig fleiri stórfyrirtæki svo þetta gangi upp hjá honum.

Benedikt La Fleur er hvunsdagshetja!

Göfgar vinnan manninn?

2006-09-06T01:42:00.000Z

Fyrsti vinnudagurinn loksins búinn. Hann var bæði langur og erfiður. Morgundagurinn verður líklega lengri en vonandi aðeins auðveldari. Sá sem sagði að vinnan göfgaði manninn var greinilega ekki að tala um þann mann sem þetta ritar. Því mér finnst ég ekkert göfugri í dag en ég var í gær.

Ath. Súkkulaðikaka komin á uppskrifarbloggið. Gessovell Eva!

Lifið heil

2006-09-04T23:10:00.000Z

Ég var inni í eldhúsi í dag, væntanlega eitthað að fást við mat, þegar ég heyrði Kolbein Skúla voða mikið að spjalla. þegar ég fór að kíkja á hvað væri um að vera sá ég að móðirin hafði lagt drengin á magann og það sem honum fanst það nú skemmtilegt! Hann skríkti og hjalaði við hvern sinn fingur. Þolinmæðin var nú ekkert mjög mikil samt. hann fékk nóg af þessu eftir sirka fimm mínútur, enda erfitt að halda haus mikið lengur en fimm mínútur í senn. Eftir fjórar missir hann andlitið beint í gólfið og það finnst honum ekki alveg eins gaman.

En að öðru við mamman fórum í bíó í kvöld og fengum móðursysturina til þess að passa fyrir okkur. Við sáum Faktotum á kvikmyndahátíð. Fín mynd. Ég reyndar varð fyrir vissum vonbrigðum því ég vonaðist til þess að sjá einhverja snilld eftir þessari bók. Þegar ég varí kringum um tvítugt drakk ég í mig allt sem Charles Bucowsky skrifaði og var nokkuð viss um að hann væri einn helsti snillingur bókmenntanna. Líklegast hef ég verið að vonast til þess að myndin hefði svipuð áhrif á mig, sem hún gerði ekki. Fín mynd samt. Náði nokkuð vel að fanga stemninguna í bókinni. Ekkert mjög áberandi söguþráður, meira svona nokkur situation eða sketsar úr lífi manns sem er nokk sama um allt. Lífið einhvervegin líður bara. Stundum gott, stundum ekki eins gott og það eina sem hann þurfti var dáldið af brennivíni.

Eftir á að hyggja var það dáldi fyndið hvað við vorum snögg að drífa okkur út úr bíóinu til þess að komast heim. Ég held að við höfum bæði verið dáldið stressuð þótt hvorugt okkar hafi viljað viðurkenna það. Svo þegar við komum heim var allt í ró og spekt hjá móðursysturinni og drengurinn hafði ekki saknað foreldra sinna vitundarögn.

Skrítið hvað maður getur verið súr

Gúrkutíð hjá Ljósvellingum

2006-09-03T20:30:00.000Z

Það er nú eitthvað lítið í fréttum um þessar mundir og kannski þessvegna sem lítið birtist hér og lengra er á milli pósta en í fyrstu. Kannski er ég bara þunglyndur yfir því að fara aftur í vinnuna eftir helgi. Já það er líklega málið. Eftir helgi tekur grámygla hversdagsins á nýjan leik. Það á eftir að vera dáldið erfitt að skilja Mömmuna og Kolbein eftir heima. Ekki að ég vantreysti mömmunni það er frekar að ég vantreysti sjálfum mér að vera í burtu í marga daga í röð. En svona er það nú að búa í nútímasamfélagi. Það þarf að draga björg í bú...

Daðrað við listagyðjuna

2006-09-02T01:01:00.000Z

Mynd segir meira en þúsund orð. Reyndar segir þessi mynd líklega ekki miklu meira en 999 orð því það er eitt orð á henni nú þegar. Þær eru liklega nokkrar pylsurnar sem hafa verið étnar þarna í gegnum tíðina, og annað eins af ís.

Ég átti nú ekki oft leið framhjá en kom þó nokkrum sinnum við í Hvalfjarðarbotni. Einu sinni þegar ég var unglingur fórum við hópur af krökkum með rútunni að Botnskála og tjölduðum í leyfisleysi aðeins innnar í dalnum og fórum á fyllerí, skáluðum í botni. Daginn eftir fórum við svo og fengum okkur einmitt pylsu og ís í Botnskála. En núna er þetta það eina sem er eftir af skálanum...

Skál í botn fyrir Skála í botni!

Skírnarmyndir

2006-09-01T01:17:00.000Z

Óli afi, Heiðrún Föðursystir og Kolbeinn Skúli

Sumir grenja en aðrir brosa

Lilja langamma og Kolbein Skúli

Almenn ánægja með veitingar, eins og sjá má

Skírnarmyndir

2006-08-31T23:29:00.000Z

Ég bið afsökunnar á litlum skrifum síðan á skírnardaginn, en við fórum nefnilega í skírnarferð í skorradalinn. Ég, mamman og Kolbeinn Skúli. Hér eru nokkrar myndir úr skírninnni. Skrifa meira næst þegar andinn kemur yfir mig. Er með vott af ritstíflu núna.

Kolbeinn Skúli

2006-08-27T17:33:00.000Z

Heitir náunginn núna...

undirbuningur

2006-08-26T17:40:00.000Z

Skúra: búið
Raða í stofuna:búið
taka til: búið
Strauja: Búið
Brauðterta: klár
Súkkulaðikaka: klár
Graflax: Tilbúinn, bara eftir að skera

Þá er bara eftir eitt og annað smálegt, ens og pönnukökur, graflaxsósa og hella upp á kaffi, já og finna nafn á drenginn...

Bros dagsins

2006-08-25T12:35:00.000Z

Það er með þessum svip sem drengurinn heilsar okkur orðið á hverjum degi núna. Hann virðist vera nokkuð sáttur við sambýlisfólkið sitt...

Skrítið

2006-08-24T19:23:00.000Z

Ég er að horfa á Ísland í dag, þar sem meðal annars er verið að fjalla um tvær konur sem fóru til Namibíu til að hjálpa heyrnarlausum þar í landi. Ágæt frétt og góðar konur. Það sem stingur mig er að þetta er eina fréttin eða umfjöllunin í rúmlega klukkutíma fréttaþætti þar sem Íslenska er textuð. Ég hef tekið eftir þessu í gegnum tíðina að þegar fjallað er um málefni heyrnarlausra í sjónvarpi er drifinn inn táknmálstúlkur og allt klabbið textað. Allt saman til háborinnar fyrirmyndar. Það sem ég hnýt um er, að það eina sem textað er eru málefni heyrnarlausra. Hvernig er það, ætli þeir sem stjórna á fréttastofum geri ráð fyrir því að það eina sem heyrnarlausir hafi áhuga á séu málefni heyrnarlausra? Heyrnarlausir hafa örugglega engan áhuga á pólitík eða alþjóðamálum. Bara því sem snertir þá beint. Eða hvað?

Skrítið....

Mánaðargamall í dag

2006-08-24T17:48:00.000Z

Í dag er litli náunginnn búinn að vera til í heilan mánuð og miðað við þessa mynd þá virðist hann vera dáldið hissa á því, svona rétt eins og við öll hin erum. Á sunnudaginn kiemur verður hann skírður til kristinnar trúar og um leið verður honum gefið nafn. Ég vil biðjast afsökunnar á því að geta ekki boðið öllum sem þetta lesa til veislu af því tilefni, en húsið okkar bara býður ekki upp á stærri veisluhöld en rétt fyrir ömmur og afa og systkin.

menningarnótt

2006-08-24T11:39:00.000Z

Svona vorum við litla fjölskyldan í bænum á Menningarnótt. Það var ekki mikið um unglingadrykkju í okkar röðum og við fórum heim fljótlega eftir að hafa hlustað á Fræbbblana. Ekki skil ég þetta hæp með Mezzoforte. Við vorum þarna á meðan þeir voru að byrja að spila og við voruum sammála um það að við gætum alveg eins verið í lyftu ens og að hlusta á þessa tónleika. Öll umfjöllun var samt einhvernvegin á þá leið að þetta væri skemmtilegasta kommbakk á áratugnum. Ekki fyrir mig takk. Má ég þá frekar biðja um smá pönk...

Loksins

2006-08-23T15:46:00.000Z

Húrra fyrir FIrefox og takk Snorri fyrir hjálpina!

Núna get ég á ný sett inn myndir af okkur í okkar daglega vafstri